意見

如果有人問我意見, 通常我都會盡量講啲有建設性嘅意見. 當然因為我識嘅野有限, 我講嘅唔會啱哂. 但如果我講嘅野有啲啲inspire 到問我嘅人, 咁我都覺得唔錯喇.

最近, 為咗幾時轉工呢個問題, 我問咗好幾個人.
估都估到, 大多數人覺得我應該即刻轉工, 理由大致都係係OT太多, 人工興工作量不成正比等等. 有一個朋友就話: 唓, 佢話會俾咩咩咩你做, 話之嘛! 你咪繼續搵工囉, 做人梗係要為自己打算啦, 唔通同佢講感情?!
(多謝大家覺得我值得有一份更好嘅工.)
亦有少數人力排眾議, 覺得我應該做多陣, 話如果我諗住繼續喺HR發展, 公司仲有野俾我去學.

正反意見, 其實我都諗過.

我咁大個人, 唔會因為你覺得我應該點點點, 我就照做. 反而我想知大家點解會覺得我應該走或留. 因為你地講嘅原因, 令我知道自己嘅諗法有咩不足. 即使我最後嘅決定, 同你提議嘅係一樣, 都只不過係"我嘅決定, 同你提議嘅係一樣", 而唔係你咁講so that 我決定咁做.
即係, 我完全明白, 我要為自己嘅決定負責.

我想講, 寫咁大段野, 因為我問有些人嘅時候, 佢地答: 如果你覺得繼續做會有前途, 就繼續做落去; 如果頂唔順就早走早著."

我知你地唔想影響我, 但, 你明唔明, 小明 (我喺公司嘅暱稱, 哈哈)喺十字街頭, 唔需要Alan Greenspan?